"Real" himoyachisi Serxio Ramos "Barselona" bilan uchrashuvda (2:3) qizil kartochka olib maydonni tark etdi.
Uchrashuvdan so‘ng "Barselona" himoyachisi Xerard Pike Ramosning chetlatilishidan so‘ng norozi bo‘lganiga munosabatini bildirdi. Uning aytishicha "Real" o‘yinchilari hakamlarning boshqacha qarorlariga o‘rganib qolishgan.
Jurnalistlar Ramosdan Pikening bu so‘zlariga sharh berishlarini so‘radilar.
"Men kechikdim, ammo menda raqibga jarohat yetkazish niyati yo‘q edi. Menimcha bu qizil emas, sariq kartochkaga loyiq edi. Buning uchun chetlatish - ortiqcha.
Chetlatilganimdan keyingi qarsaklarim? Ular Pikega atalgan di, hakamlarga emas. "Barselona" futbolni boshqacha tushunadi, ular doim hakamlar haqida gapiradilar, natijada bu foyda beradi. Biz hakamlar haqida gapirmaymiz, bu bizning uslubimiz emas. Pike esa doim hakamlar haqida gapiradi. Balki, haqiqatan ham hakamlar haqida jim turmay, gapirish kerakdir? Men bahslashmoqchimasman, biz oldinga intilishimiz kerak, oldinda og‘ir taqvim turibdi.
Pike bilan oramizda hech qanday muammo yo‘q, ammo hozir u bilan quchoqlashishimni so‘ramang. Pike "Real"ning boshqacha qarorlariga o‘rganib qolgan, dedi? Boshqacha qarorlar "PSJ" bilan uchrashuvda bo‘lgan", - deydi Ramos.
