Rossiyalik futbol sharhlovchisi Vasiliy Utkin yangi futbol jamoasi tuzishga qaror qilganini aytdi.
Uning so‘zlariga ko‘ra, Utkin jamoani qanday boshqarish kerakligini yaxshi biladi.
«Sizga muhim qarorga kelganim haqida xabar bermoqchiman. Aslida bu qaror ham emas, shunchaki yashash tarzining bir qismi. Yosh o‘spirin bo‘lganingda futbol o‘ynaysan, keyin futbol o‘yinlarini sharhlaysan. Keyinchalik yoshi ulg‘ayganlar nima qilishadi? Aftidan menga o‘xshagan yoki Yevgeniy Giner, Leonid Fedun yoshidagi odamlar futbol klubi tuzishadi. Men ham aynan shunday qarorga keldim. Buni har doim istardim.
Ammo odamlar yordam berishi kerak, chunki menda ortiqcha pul yo‘q. O‘ylashimcha, bu jamoani tashkil etish uchun pul ishlab topa olaman. Men sizga futbol klubini qanday tashkil qilish, uni boshqarishni o‘rgataman. Sizga esa mablag‘laringizni to‘g‘ri sarflab, futbol klubiga ega bo‘lishingiz mumkinligini ko‘rsataman.
Men Havaskorlar ligasida ishtirok etuvchi «Egrisi» klubi bilan hamkorlik qilaman. Men bu loyihadan pul ishlab topmoqchi emasman, aksincha pul sarflamoqchiman» - dedi Utkin.
