"Real" sardori Serxio Ramos kelajakda klub prezidenti lavozimida ishlashga qarshi emasligini ma’lum qildi.
Futbolchi buni Tvitter ijtimoiy tarmog‘ida muxlis savolidan so‘ng bildirdi.
"Real" prezidenti bo‘lish? Hozircha, o‘zimni bu rolda ko‘rmayapman, ammo voqealar rivoji qanday bo‘lishini oldindan bilmaysan", - deydi Ispaniya termasi futbolchisi. - Murabbiylik? Oldinda bir necha yillik faoliyatim turibdi, hech narsa hal bo‘lmagan. Ammo bu ham variantlardan biri".
Eslatib o‘tamiz, "Barselona" himoyachisi Jerar Pike kelajakda kataloniyaliklarning prezidenti bo‘lish orzusini ma’lum qilgan edi.
