«Barselona» himoyachisi Jerar Pike Ispaniya chempionatida «Espanyol» (3:0) ustidan qozonilgan g‘alabadan mamnun ekanini aytdi.

«Menga «Espanyol»ning stadionida o‘ynash yoqadi. «Real» bilan ham shunaqa.

«Espanyol»ning ko‘pchilik muxlisi xotirjam va xushmuomala, shovqin soladiganlari esa kamchilik. Tribunada o‘tirib haqorat qiladiganlar bu yerga hayotdan noroziligini namoyish qilish uchun keladi.

Biz esa faqat o‘yin haqida o‘ylashimiz lozim.

«Espanyol» har doim «Barselona»ning mavsumini barbod qilishni istaydi. Ammo biz bu yerda ijobiy natijalarni qayd etishga o‘rganganmiz» - dedi Pike Goal xabarida.