Qizlar o‘rtasidagi Yevro-2017 U-17 musobaqasida UYEFA penaltilar seriyasining yangicha jarayonini sinovdan o‘tkazadi.
Unga ko‘ra, jamoalar navbatma-navbat bittadan emas, balki ikkitadan penalti tepishadi. Ya’ni birinchi jamoa dastlabki zarbani berganidan so‘ng, jamoalar ikkitadan zarbani yo‘llaydi.
UYEFA mulozimlarining fikriga ko‘ra, bu bilan birinchi zarbani yo‘llayotgan jamoa ega bo‘ladigan ruhiy ustunlikka barham beriladi. Futbol uyushmalarining xalqaro kengashi (IFAB) dastlabki zarba golga aylansa, ikkinchi zarbani yo‘llayotgan jamoa juda katta bosim ostida qolib ketyapti deb hisoblamoqda. Bu o‘zgarish esa mana shu bosimning pasayishiga olib kelarkan.