Shu kunlarda, 9-may Xotira va qadrlash kuni munosabati bilan, «Kamolot» yoshlar ijtimoiy harakati respublikamiz bo‘ylab #XotiraUz aksiyasi tashkil etgan.

“Nasaf” PFK rahbariyati, xodimlari, murabbiy va futbolchilari ham ushbu aksiyada ishtirok etmoqda.

Inson bor ekan, xotira – muqaddas. Xotira – odamlarning vafotidan keyin ham bu dunyoda yashashi uchun imkon beradigan birdan-bir makon.

9 may Xotira va Qadrlash kuni har yili yurtimizda keng nishonlanadi. Urushda halok bo‘lgan har bir o‘zbekistonlik – Vatanimiz farzandi edi. Ularni yoddan chiqarishga hech birimizning haqqimiz yo‘q.

Klubimiz 9 may Xotira va Qadrlash kuni munosabati bilan bir necha tadbirlarni rejalashtirgan, bu haqda keyinroq ma’lumot beramiz.

Quyida ushbu aksiyadagi ishtirokimiz aks etgan suratlarni tomosha qiling.