Oliy liga 10-turidan o‘rin olgan «Dinamo» - «Nasaf» (1:1) o‘yinidan so‘ng, mezbonlar ustozi Oleg Tyulkin o‘z fikrlarini aytdi.
«So‘nggi o‘yinlarda juda qiynalyapmiz. Himoyachilar ichida jarohatlanganlar, qizil kartochka olganlar bor. Tarkibimiz optimal emas.
«Nasaf» bilan ochiq futbol o‘ynab bo‘lmaydi. Ammo birinchi bo‘limda yaxshi harakat qildik. Natijadan qoniqdim, futbolchilarimdan minnatdorman.
«Obod»ga qarshi o‘yingacha jarohatlanganlar tiklanib oladi degan umiddaman.
Muxlislarga rahmat aytmoqchiman, ular so‘nggi soniyalargacha bizni qo‘llab-quvvatlab turishdi» - dedi Tyulkin.
