«Mash’al» Oliy liganing 10-turidan so‘ng, qisqa muddatli ta’tilga chiqqan edi.
Kecha “Gazchilar” Muborakda "Nasaf"ga qarshi voha derbisiga tayyorgarlikni boshladi. Tarkibda barcha futbolchilar mashg‘ulotlarda ishtirok etmoqda. «Olmaliq» bilan bahsda biroz jarohat olgan Abdulloh Olimov ham yig‘inda bor va u “Nasaf”ga qarshi bahsda maydonga tushadi. Ammo muhim bahs oldidan jamoada yo‘qotish bor. Shahzod Shaymanov derbini o‘tkazib yuborishi aniq, boisi u «Olmaliq»qa qarshi kechgan o‘yinning 63 daqiqasida hakam tomonidan ogoxlantirilgandi. Shu bois uning sariq kartochkalari soni 4 taga yetdi.
