«Malaga» hujumchisi Sandro Ramires La-liga 38-turidan o‘rin olgan «Real»ga qarshi bahsda madridliklar darvozasini ishg‘ol qilib, jamoasiga g‘alaba olib kelmoqchi.

Hujumchi bu yo‘l bilan sobiq jamoasi «Barselona»ning chempionlikni qo‘lga kiritishida yordam bermoqchi.

«Umid qilamanki, «Real» darvozasiga gol uraman hamda g‘alaba qozonamiz. Bu bilan «Barselona»ni chempion bo‘lishiga yordam bermoqchiman» — deydi Ramires.

Eslatib o‘tamiz, Sandro Ramires «Barselona» klubi tarbiyalanuvchisi hisoblanadi va 2016 yili «Malaga» safiga qo‘shilgan.

So‘nggi turda «Real» mag‘lubiyatga uchrab, kataloniyaliklar g‘alabaga erishadigan bo‘lishsa, «Barselona» chempionga aylanadi.