Bugun Angliya Premyer-ligasi va Ispaniya Primerasining 38-turidan o‘rin olgan markaziy o‘yinlar jonli efirda namoyish qilinadi.
An’anaga ko‘ra Yevropa ichki chempionatlarida so‘ngi tur o‘yinlari bir vaqtda boshlanadi. Shu sababga ko‘ra, biz APL va La Ligada ham eng diqqatga molik bo‘lgan o‘yinlarni onlayn tarzda sizning e’tiboringizga havola qilamiz.
Siz soat 19:00dan boshlab APLning 38-turidan o‘rin olgan "Arsenal" - "Everton" hamda "Liverpul" - "Midlsbro" uchrashuvlarini onlayn tarzda kuzatib borishingiz mumkin bo‘ladi.
Ayni damda kuchli to‘rtlikda mavsumni yakunlashga harakat qilayotgan jamoalar o‘yining eng qiziqarli vaziyatlari translyasiya davomida sizga havola qilib boriladi.
Soat 23:00dan boshlab esa siz Ispaniya chempionatining so‘ngi turidan o‘rin olgan "Malaga" - "Real Madrid" hamda "Barselona" - "Eybar" uchrashuvlarini onlayn tarzda kuzatib borib, birinchilardan bo‘lib 2016/17 yilgi mavsumda Ispaniya chempioni nomiga oydinlik kiritib olishingiz mumkin.
