Rossiya uchinchi divizionida yangi jamoa paydo bo‘ldi - "Ararat" (Moskva). Jamoaning yarmidan ko‘pi millati arman bo‘lgan rossiyaliklardan tashkil topgan va jamoaning nomi ham Yerevanning mashhur klubi nomiga qo‘yilgan.
O‘FF ning sobiq xodimi Alishiyer Nikimboyevning ma’lum qilishicha, bu jamoa bosh murabbiyi nomzodlar orasida o‘zbekistonlik mutaxassis ham bor.
"Do‘stlarning xabar qilishicha, "Ararat"ni boshqarishi mumkin bo‘lgan nomzodlar orasida o‘zbekistonlik mutaxassis ham bor", - deb yozadi Nikimboyev tvitterda.
Nikimboyev nomzodning aynan kim ekanligiga oydinlik kiritmagan.
"Kim bo‘lsa ham omadini bersin", qo‘shimcha qiladi O‘FF ning sobiq xodimi.
