«Manchester Yunayted» Yevropa ligasida g‘alaba qozonsa, an’anaviy tadbirni o‘tkazmaydigan bo‘ldi.

Klub rahbariyati g‘alabaga bag‘ishlangan paraddan voz kechishga qaror qildi. The Times xabariga ko‘ra, bu ko‘plab futbolchilarning o‘yindan so‘ng ta’tilga chiqib ketishi tufaylidir.

«Qizil iblislar»ning so‘nggi paradi 2013 yilda, jamoaning 20-marta chempion bo‘lishi va Aleks Fergyusonning nafaqaga chiqishiga bag‘ishlab o‘tkazilgandi. Unda Manchester ko‘chalariga 100 ming odam chiqqan edi.

Yevropa ligasi finali 24 may kuni Stokholmda o‘tkaziladi. Unda «MYU» «Ayaks» bilan bellashadi.