Mirjalol Qosimovning “Bunyodkor” bosh murabbiyiga aylanishi muxlislarning o‘zbek futboliga bo‘lgan munosabatini ijobiy tomonga o‘zgartirgani bor gap. Chunki Mirjalol Qosimov chindan ham tajribali murabbiy, biz buni, ayniqsa, terma jamoamizning boshiga tushgan rutubatli onlardan so‘ng yanada teranroq his qildik. Mayli, bu boshqa mavzu: hozir bir savolga javob izlab ko‘ramiz — Qosimov “Bunyodkor”ga kerakmidi?
“YO‘Q” DEYISHGA SHOSHILMANG
Ha, Mirjalol Qosimov hali “Bunyodkor”ga to‘liq moslashib ulgurgani yo‘q. To‘g‘ri, “qaldirg‘ochlar” unga begona emas, Mirjalol bu jamoani oldin ham boshqargan. Ammo u davrdagi klubdan Mirjalolga qadar faqat “Bunyodkor” degan nom yetib kelgandi, xolos. Shu bois jamoani oldingi darajasiga qaytarish uchun vaqt talab etiladi. Shuning uchun ham “Bunyodkor”dan darrov yuqori natijalar kutmang va Qosimov boshqaruvni qo‘liga olgan dastlabki vaqtlardagi qoniqarsiz natijalardan ranjimang.
U HALI O‘Z SO‘ZINI AYTADI
Mirjalol Qosimov hujumkorlikni xush ko‘radigan murabbiy. Bunga futbolchi sifatida o‘ynaganida ham, murabbiylik davrlarida ham guvoh bo‘lganmiz. Demak, u aynan “Bunyodkor”ga kerak. Bu bilan “Bunyodkor” ko‘p hujum uyushtirmaydi, demoqchi emasmiz, shunchaki hujum bilan hujumning ham farqi bor. Gap qancha hujum qilishda emas, qanday hujum qilishda, gap taktikada. Qosimovda esa taktik g‘oyalar yetarlicha.
Ayni damda “qaldirg‘och”larning turnir jadvalidagi ahvoli unchalik ham yaxshi emas. Jamoaning o‘yiniga yangi ruh, yangi taktika olib kirish juda ham zarur. Shuning uchun ham murabbiylar almashinuvi juda yaxshi bo‘ldi. Birinchidan,
