Bugun O‘zbekiston Kubogining 1/8 final bosqichi dastlabki o‘yinlari davom ettiriladi. Kun doirasidan o‘rin olgan qiziqarli bellashuvlardan birida “Lokomotiv” “Qizilqum” bilan bahs olib boradi.

O‘zbekiston Kubogi, 1/8 final.
Dastlabki uchrashuv. 23 may (seshanba).
«LOKOMOTIV» (TOSHKENT) – «QIZILQUM» (NAVOIY)
Hakamlar: B. Namozov (Toshkent), R. Serazetdinov (Toshkent), R. No‘’monov (Toshkent), D. Muxtorov (Toshkent)
Nazoratchi: O. Rubakov (Toshkent).

Kubok bahslarida “Lokomotiv” “Qizilqum” bilan faqat bir bor to‘qnash kelgan

Ushbu ikki jamoa Kubok bellashuvlari doirasida shu paytga qadar faqat 1 marta to‘qnash kelishgan. 2013 yilgi mavsumda mamlakat Kubogi 1/4 final o‘yinlari doirasida kechgan ilk uchrashuvda navoiyliklar 1:0 hisobida zafar quchishgan. Javob bellashuvi esa “Lokomotiv” foydasiga hal bo‘lgan va yakunda “temiryo‘lchilar” ikki uchrashuv natijasiga ko‘ra yarim finalga yo‘l olishgan.

2013 y. 1/4 final
“Qizilqum” (Zarafshon) – “Lokomotiv” (Toshkent) 1:0
“Lokomotiv” (Toshkent) – “Qizilqum” (Zarafshon) 2:0

“Lokomotiv” jamoasining Kubok o‘yinlaridagi ishtiroki:

Toshkentning “Lokomotiv” klubi O‘zbekiston Kubogining amaldagi g‘olibi sanaladi. Jamoa o‘tgan yilgi Kubok bellashuvlarining finalida Qarshining “Nasaf” klubidan ustun kelib, o‘z tarixida ikkinchi bor ushbu musobaqada g‘oliblikni qo‘lga kiritgandi. Ungacha esa “Lokomotiv” 2014 yilda ham O‘zbekiston Kubogiga ega chiqqandi.

2002-2003 – guruhdan chiqa olmagan
2004 – chorak final
2005 – chorak final
2006 – 1/8 final
2007 – o‘tish bosqichi
2008 – o‘tish bosqichi
2009 – o‘tish bosqichi
2010 – yarim final
2011 – 1/8 final
2012 – chorak final
2013 – yarim final
2014 – chempion
2015 – yarim final
2016 – chempion