Fransiya polisiyasi PSJ klubining qarorgohida tintuv o‘tkazdi.
Mediapart xabariga ko‘ra, PSJ futbolchilari Anxel Di Mariya va Xavyer Pastorening uyida ham polisiya tintuv o‘tkazgan. Har ikkala futbolchi soliqlardan bo‘yin tovlaganlikda gumonlanmoqda.
Bundan tashqari, «Korrupsiya, moliyaviy va soliqlar bilan bog‘liq qonunbuzarlikka qarshi kurash markazi» xodimlari ham PSJ qarorgohida tintuv o‘tkazgan. Klub soliqlar bilan bog‘liq firibgarlikda gumonlanmoqda.
Taxminga ko‘ra, har ikkala futbolchi soliqlardan qochish uchun noqonuniy usullarni ishlatgan. PSJ esa Di Mariyaning Panamadagi offshor kompaniya xizmatidan foydalanayotganini bilgan. O‘z navbatida bu klubga ham foyda keltirgan.
