«Manchester Yunayted» klubi o‘z tarixida ilk marotaba Yevropa ligasida g‘olib chiqdi.
Shvesiya poytaxti Stokholm shahrida o‘tgan final o‘yinida ingliz klubi Gollandiyaning «Ayaks» klubini mag‘lub etib, Yevropaning nufuzli sovrinini qo‘lga kiritdi.
O‘yinning 18-daqiqada Pol Pogbaning uzoq masofadan yo‘llagan zarbasidan so‘ng, to‘p himoyachiga tegib, yo‘nalishini o‘zgartirdi va darvozadan joy oldi.
48-daqiqada burchak zarbasi amalga oshirilgandan so‘ng, Mxitaryan yaqin masofadan to‘pni darvozaga to‘g‘rilab qo‘ydi va hisobdagi farqni oshirdi. Bu natija o‘yinning oxiriga qadar o‘zgarmadi.
Endi «MYU» keyingi mavsumda Yevropa ligasi g‘olibi sifatida Chempionlar ligasida ishtirok etadi.
Yevropa ligasi. Final
Ayaks Gollandiya – Manchester Yunayted Angliya 0:2 (0:1)
24 may, Stokholm, «Frends Arena»
Gollar: 0:1 – 18 Pogba, 0:2 – 48 Mxitaryan.
Ayaks – Onana, Sanches, Ridevald (de Yong, 82), Veltman, Ziyesh, de Ligt, Shene (van de Bek, 70), Klassen, Yunes, Traore, Dolberg (Neres, 62).
Manchester Yunayted – Romero, Valensiya, Smolling, Darmian, Blind, Pogba, Errera, Mata (Runi, 90), Fellayni, Mxitaryan (Lingard, 74), Reshford (Marsial, 84).
Ogohlantirishlar: Mxitaryan (31), Fellayni (52), Veltman (58), Yunes (64), Mata (78), Ridevald (78).
