«Манчестер Юнайтед» клуби ўз тарихида илк маротаба Европа лигасида ғолиб чиқди.

Швеция пойтахти Стокҳолм шаҳрида ўтган финал ўйинида инглиз клуби Голландиянинг «Аякс» клубини мағлуб этиб, Европанинг нуфузли совринини қўлга киритди.
Ўйиннинг 18-дақиқада Поль Погбанинг узоқ масофадан йўллаган зарбасидан сўнг, тўп ҳимоячига тегиб, йўналишини ўзгартирди ва дарвозадан жой олди.
48-дақиқада бурчак зарбаси амалга оширилгандан сўнг, Мхитарян яқин масофадан тўпни дарвозага тўғрилаб қўйди ва ҳисобдаги фарқни оширди. Бу натижа ўйиннинг охирига қадар ўзгармади.

Энди «МЮ» кейинги мавсумда Европа лигаси ғолиби сифатида Чемпионлар лигасида иштирок этади.

Европа лигаси. Финал
Аякс Голландия – Манчестер Юнайтед Англия 0:2 (0:1)
24 май, Стокҳолм, «Френдс Арена»
Голлар: 0:1 – 18 Погба, 0:2 – 48 Мхитарян.
Аякс – Онана, Санчес, Ридевалд (де Йонг, 82), Велтман, Зиеш, де Лигт, Шене (ван де Бек, 70), Классен, Юнес, Траоре, Дольберг (Нерес, 62).
Манчестер Юнайтед – Ромеро, Валенсия, Смоллинг, Дармиан, Блинд, Погба, Эррера, Мата (Руни, 90), Феллайни, Мхитарян (Лингард, 74), Рэшфорд (Марсиал, 84).
Огоҳлантиришлар: Мхитарян (31), Феллайни (52), Велтман (58), Юнес (64), Мата (78), Ридевалд (78).