Osiyo futbol konfederasiyasi OCHL–2017 turnirining Sharq mintaqasi nimchorakfinali javob o‘yinidan o‘rin olgan “Kashima Antlers” (YAponiya) – “Guanchjou Evergrand” (Xitoy) uchrashuviga rasmiylar tayinladi.
O‘zbekistonlik FIFA referisi Ravshan Eramatov mazkur uchrashuvda bosh hakam bo‘lib ishlaydi. Unga qanotlarda odatdagidek Abduhamidullo Rasulov va Jahongir Saidov yordam beradi. Zaxira hakami vazifasi malayziyalik Suhayzi bin Shukriga yuklatildi.
Qatarlik Jassim Muhammad al-Hail hakamlar ishiga baho beradi. Gonkonglik Chyong Xin Chang uchrashuv komissari etib tayinlandi.
“Kashima Antlers” va “Guanchjou Evergrand” o‘rtasidagi javob o‘yini 30 may kuni, Ibaraki shahrida bo‘lib o‘tadi. Jamoalar o‘rtasidagi ilk o‘yinda “Guanchjou Evergrand” 1:0 hisobida zafar quchgan.
