Yevropa ligasi finali borasidagi taxminlarimiz o‘zini unchalik oqlamadi, biz shiddatli final o‘yini guvohiga aylanamiz, deb o‘ylagandik. Ammo... Joze Mourinyu barcha orzularimizni chippakka chiqardi.
O‘yindan avvalgi maqolamizda “Ayaks”ning shiddatli o‘yin ko‘rsatishi, “MYU”ning esa ikkinchi raqam ostida o‘ynashni istamasdan, oldinga tashlanishini, natijada super o‘yin guvohi bo‘lishimizni taxmin qilgandik. Ammo har doim kutilmagan qarorlari bilan hammani lol qoldiradigan Mourinyu bu safar ham kutilmagan taktika tanladi.
BU MUXLISLARGA YOQMADI, LEKIN...
Bir qarashda hammasi tushunarli, “MYU”ning hozirgi tarkibidagi o‘yinchilarning hammasi ham tezkor o‘yin talablariga dosh bera olmaydi, ayniqsa, “Ayaks”ning tezkorligiga. Aftidan, Mourinyu mana shu jihatlarni inobatga olgan ko‘rinadi. Butun o‘yin davomida gollandlar taxminimizniyu ishonchimizni oqlashdi, birinchi va ikkinchi bo‘limda “qizil iblislar” darvozasiga tinimsiz shturm uyushtirishdi. Shu kuni “MYU”ga oson bo‘ldi, desak mutlaqo yanglishamiz. Joze esa himoyadan hujumga o‘tish taktikasini tanlab, yakunda maqsadiga erishdi. Ammo tan olish kerak, “Ayaks”ning hujumlari ko‘payib, “MYU” himoyaga mixlangani sari muxlislarning ham noroziligi ortib borgani tayin. Biroq yakunda Joze Mourinyu shogirdlari qancha hujum qilish emas, qanday hujum qilish kerakligi muhim ekanligini amalda isbotlashdi.
KO‘PLAR UCHUN BIRINCHI KUBOK
Mazkur sovrin shunisi bilan yodda qoldiki, Mourinyu tarixiy rekord o‘rnatdi. Ya’ni u YECHLni ikki marta, Yevropa ligasini ham ikki marta qo‘lga kiritgan birinchi murabbiyga aylandi. Qolaversa, “MYU” safidagi
