O‘zbekiston Kubogi nimchorakfinali javob uchrashuvidan keyin "Nasaf"ga qisqa muddatli ta’til e’lon qilingan edi.
Ayni paytda futbolchilar dam olishmoqda. Navbatdagi 13-tur uchrashuviga tayyorgarlik 4 iyun yakshanba kunidan boshlanadi. Shu kuni “ajdarlar” Qarshi shahridagi qarorgohida yig‘ilishadi.
Murabbiylar 8 iyun payshanba kuni Muborakda, “Mash’al” jamoasi bilan o‘rtoqlik uchrashuvi o‘tkazishni rejalashtirgan. Bu o‘yin B.Vafoyev nomidagi markaziy stadionda bo‘lib o‘tadi.
Eslatib o‘tamiz, “Nasaf” 13-tur uchrashuvini safarda G‘uzorning “Sho‘rtan” jamoasi bilan o‘tkazadi. O‘yin 15 iyun payshanba kuni, G‘uzorda bo‘lib o‘tadi.