Ўзбекистон Кубоги нимчоракфинали жавоб учрашувидан кейин "Насаф"га қисқа муддатли таътил эълон қилинган эди.
Айни пайтда футболчилар дам олишмоқда. Навбатдаги 13-тур учрашувига тайёргарлик 4 июнь якшанба кунидан бошланади. Шу куни “аждарлар” Қарши шаҳридаги қароргоҳида йиғилишади.
Мураббийлар 8 июнь пайшанба куни Муборакда, “Машъал” жамоаси билан ўртоқлик учрашуви ўтказишни режалаштирган. Бу ўйин Б.Вафоев номидаги марказий стадионда бўлиб ўтади.
Эслатиб ўтамиз, “Насаф” 13-тур учрашувини сафарда Ғузорнинг “Шўртан” жамоаси билан ўтказади. Ўйин 15 июнь пайшанба куни, Ғузорда бўлиб ўтади.