Portugaliyalik himoyachi Pepe ushbu yozda "Real"ni tark etadi. Futbolchining madridliklar bilan shartnomasi 30 iyun kuni nihoyasiga yetadi.

Klub futbolchiga bir yillik yangi shartnoma taklif qilishga tayyor, ammo Pepe ikki yillik sharnoma tuzmoqchi.

"O‘Z kelajagim haqida yanvar oyida, amaldagi shartnomam tugashiga olti oy qolganda o‘ylay boshladim, klub esa yangi taklif berishga shoshilmadi. Men 10 yildan buyon "Real"da o‘ynayapman, bu klub uchun borimni berdim. BU yerdagi faoliyatim oxiriga yetayotganini tushunyapman.

Klub menga bir yillik shartnoma taklif qilmoqda. Albatta, muzokara qilish mumkin, ammo ketish vaqtim kelganini his qilib turibman. Kelajagimga kelsak, boshqa klublar bilan aloqaga chiqmadim. "Real" muhim o‘yinlarini o‘tkazib olishini kutdim", - deydi Pepe.