Португалиялик ҳимоячи Пепе ушбу ёзда "Реал"ни тарк этади. Футболчининг мадридликлар билан шартномаси 30 июнь куни ниҳоясига етади.
Клуб футболчига бир йиллик янги шартнома таклиф қилишга тайёр, аммо Пепе икки йиллик шарнома тузмоқчи.
"ЎЗ келажагим ҳақида январь ойида, амалдаги шартномам тугашига олти ой қолганда ўйлай бошладим, клуб эса янги таклиф беришга шошилмади. Мен 10 йилдан буён "Реал"да ўйнаяпман, бу клуб учун боримни бердим. БУ ердаги фаолиятим охирига етаётганини тушуняпман.
Клуб менга бир йиллик шартнома таклиф қилмоқда. Албатта, музокара қилиш мумкин, аммо кетиш вақтим келганини ҳис қилиб турибман. Келажагимга келсак, бошқа клублар билан алоқага чиқмадим. "Реал" муҳим ўйинларини ўтказиб олишини кутдим", - дейди Пепе.
