Asli O‘zbekistonda tug‘ilib hozirda Rossiyaning “Amkar” klubida faoliyatini davom ettirayotgan 19 yoshli yarimhimoyachi Rustam Vazitdinov futbolga qanday kirib kelgani haqida fikr bildirib o‘tdi.

“O‘zbekistonda tug‘ildim, ota-onam bilan 4 yoshligimda Rossiyaga ko‘chib kelgandik. 8 yoshimdan futbol va kurash sport turlari bilan shug‘ullandim. Futbol bo‘yicha Boshkirdistonning Oktyabrskiy shahrida joylashagan 4-BO‘SMda shug‘ullanishni boshlaganman.

Futbolga kirib kelishim juda ham qiziq bo‘lgan. Har kuni akam va uning do‘stlari bilan uyimiz oldidagi maydonchada to‘p tepardik. Bir kuni futbol murabbiyi oldimga kelib, meni o‘z mashg‘ulotlariga taklif etdi.

Avvaliga bu taklifni jiddiy qabul qilmadim. Chunki kurash menga futboldan ko‘ra qiziqroq hisoblanardi. Lekin uning taklifiga ham qarshi chiqmadim, ota-onam buni bilishganidan so‘ng juda ham xursand bo‘lishdi.

Birinchi kungi mashg‘ulotdan so‘ng o‘zimni ajoyib holatda his etardim. Kurashga qatnashganim uchun maydonda baquvvat edim, kuchim uzoq vaqtga yetardi.

Lekin futbol o‘ynash oson emasligini bildim. Avvaliga maydonda shunchaki to‘psiz yugurardim va mendan nima ta’lab etishayotganini tushunmasdim. Ammo katta ishtiyoq bilan shug‘ullanishm tufayli, bu menda futbolga bo‘lgan o‘zgacha mexrni keltirib chiqardi.

Asta-sekin maydonda boshqalardan ajralishni boshladim, manzilimga iliq so‘zlar bildirishganida bundan doim xursand bo‘lganman. Chunki tomoshabinlar harakatlarimni ko‘pincha maqtashga o‘rganishgan”, - deydi Vazitdinov «Amkar» FK klubi rasmiy saytiga bergan intervyusida.