Асли Ўзбекистонда туғилиб ҳозирда Россиянинг “Амкар” клубида фаолиятини давом эттираётган 19 ёшли яримҳимоячи Рустам Вазитдинов футболга қандай кириб келгани ҳақида фикр билдириб ўтди.

“Ўзбекистонда туғилдим, ота-онам билан 4 ёшлигимда Россияга кўчиб келгандик. 8 ёшимдан футбол ва кураш спорт турлари билан шуғулландим. Футбол бўйича Бошкирдистоннинг Октябрьский шаҳрида жойлашаган 4-БЎСМда шуғулланишни бошлаганман.

Футболга кириб келишим жуда ҳам қизиқ бўлган. Ҳар куни акам ва унинг дўстлари билан уйимиз олдидаги майдончада тўп тепардик. Бир куни футбол мураббийи олдимга келиб, мени ўз машғулотларига таклиф этди.

Аввалига бу таклифни жиддий қабул қилмадим. Чунки кураш менга футболдан кўра қизиқроқ ҳисобланарди. Лекин унинг таклифига ҳам қарши чиқмадим, ота-онам буни билишганидан сўнг жуда ҳам хурсанд бўлишди.

Биринчи кунги машғулотдан сўнг ўзимни ажойиб ҳолатда ҳис этардим. Курашга қатнашганим учун майдонда бақувват эдим, кучим узоқ вақтга етарди.

Лекин футбол ўйнаш осон эмаслигини билдим. Аввалига майдонда шунчаки тўпсиз югурардим ва мендан нима таълаб этишаётганини тушунмасдим. Аммо катта иштиёқ билан шуғулланишм туфайли, бу менда футболга бўлган ўзгача мехрни келтириб чиқарди.

Аста-секин майдонда бошқалардан ажралишни бошладим, манзилимга илиқ сўзлар билдиришганида бундан доим хурсанд бўлганман. Чунки томошабинлар ҳаракатларимни кўпинча мақташга ўрганишган”, - дейди Вазитдинов «Амкар» ФК клуби расмий сайтига берган интервьюсида.