«Atletiko» hujumchisi Antuan Grizmann muxlislardan uzr so‘radi.
Futbolchi jamoasi bilan 2022 yilgacha mo‘ljallangan yangi shartnoma imzolaganidan so‘ng, avvalroq, «MYU»ga o‘tish istagi borligi haqida aytgan gaplari uchun kechirim so‘radi.
«Birinchi navbatda muxlislardan uzr so‘rayman. Ular mening gaplarimni noto‘g‘ri talqin qilgan bo‘lishi mumkin. Balki o‘zim ham e’tiborsiz gapirgandirman, ammo jamoaga kelganimdan buyon bor kuchimni umumiy natija uchun sarflamoqdaman. Klub bilan yangi shartnoma imzolaganimdan mamnunman» - dedi Grizmann.
