Oliy Liga 13-turi doirasidagi «Dinamo»ning raqibi - «Neftchi» klubiga yangi murabbiy etib Vadim Abramov tayinlangandi.
Ushbu mutaxassis yaqinda bergan intervyusida «Dinamo»ga qarshi uchrashuv haqida fikr bildirdi.
«Neftchi»ning Oliy Ligadagi holatini o‘nglash uchun qo‘limizdan kelgan barcha ishlarni amalga oshiramiz. Yodimda, 2003 yil «Traktor»ni deyarli shunday holatda qabul qilib olib, Oliy Ligada saqlab qolgandim. Qizig‘i, o‘shanda ham «Traktor» boshqaruvidagi ilk o‘yinim «Dinamo»ga qarshi kechgan edi. O‘shanda mag‘lubiyatga uchragandik. Qizig‘i, bu safar ham yangi jamoamdagi dastlabki o‘yin Samarqand jamoasiga qarshi to‘g‘ri keldi. Umid qilamanki, bu safar tarix takrorlanmaydi va «Neftchi» bilan g‘alaba qozonamiz» - deydi Vadim Karlenovich.
Eslatib o‘tamiz, «Neftchi» - «Dinamo» uchrashuvi 14 iyun, chorshanba kuni Farg‘onadagi «Istiqlol» stadionida soat 18:00da boshlanadi.
