«Real» hujumchisi Krishtianu Ronaldu boshqa klubga o‘tishni istamoqda.

Cadena Cope xabariga ko‘ra, futbolchining agenti Jorje Mendesh madridliklar rahbariyatini ingliz, fransuz va Xitoy klublaridan taklif olgani haqida xabardor qilgan.

Avvalroq, «Manchester Yunayted», «PSJ» va «Monako» klublari Ronaldu uchun 180 million yevro to‘lashga tayyor ekani haqida xabarlar chiqqan edi. Futbolchining shartnomasida belgilangan tovon puli 1 milliard yevroni tashkil qiladi.

Eslatib o‘tamiz, Ronaldu Ispaniya prokuraturasi tomonidan 14,7 mln yevro miqdorida soliq to‘lashdan bo‘yin tovlaganlikda ayblangan edi. Shundan so‘ng, futbolchi «Real»ni tark etishi haqida aytgan.