«Реал» ҳужумчиси Криштиану Роналду бошқа клубга ўтишни истамоқда.

Cadena Cope хабарига кўра, футболчининг агенти Жорже Мендеш мадридликлар раҳбариятини инглиз, француз ва Хитой клубларидан таклиф олгани ҳақида хабардор қилган.

Аввалроқ, «Манчестер Юнайтед», «ПСЖ» ва «Монако» клублари Роналду учун 180 миллион евро тўлашга тайёр экани ҳақида хабарлар чиққан эди. Футболчининг шартномасида белгиланган товон пули 1 миллиард еврони ташкил қилади.

Эслатиб ўтамиз, Роналду Испания прокуратураси томонидан 14,7 млн евро миқдорида солиқ тўлашдан бўйин товлаганликда айбланган эди. Шундан сўнг, футболчи «Реал»ни тарк этиши ҳақида айтган.