Kamerun terma jamoasi bosh murabbiyi Ugo Broos KK-2017 musobaqasining 2-turida Avstraliya bilan uchrashuv (1:1) haqida fikr bildirdi.
"O‘yingacha aytganimday, Avstraliya - qiyin raqib. Oson bo‘lmadi. Ammo bizda vaziyatlar ko‘p bo‘ldi. Ikkinchi golni ham urishimiz kerak edi, ammo darvozamizga penalti belgiladilar. Natija o‘zimiz kutganday bo‘lmadi, ammo guruhdan chiqishga imkoniyatimiz bor.
Keyingi o‘yinga kelsak, asosiysi - Germaniya va Chili o‘rtasidagi o‘yin natijasini kutish. Agar natija biz uchun ijobiy bo‘lsa, imkoniyatimizdan foydalanishga harakat qilamiz. Biz bu musobaqada hali g‘alaba qozonmadik, shuning uchun bu bizga motivasiya bo‘lar edi", - deydi Bross.
