Hademay terma jamoamiz o‘yini o‘zgaradi, chunki “Paxtakor” jamoasi murabbiysi o‘zgardi, bu jamoani endi futbolni yaxshi tushunadigan Shota Arveladze boshqaryapti.
O‘zingizga ma’lum, azal-azaldan terma jamoamizning negizini “Paxtakor” tashkil etgan. Chunki ilgari chindan ham “Paxtakor” kuchli jamoa edi. “Bunyodkor” tuzilishidan oldingi “Paxtakor”ni bir eslang. Ammo hali ham “Paxtakor” o‘zbek futbolining faxri, O‘zbekistonning birinchi raqamli jamoasi. Garchi orada ayrim shaxslarning aybi bilan “Paxtakor”ning o‘yinlari shaffofligini yo‘qotib, hurmatiga darz ketgan bo‘lsa-da, bu jamoaning uzoq yillik obro‘siga putur yetkaza olmaydi. Aslida ham shunday bo‘lishi kerak. Qandaydir shaxslarning ishi deb “Paxtakor”ga bo‘lgan hurmatni yo‘qotmasligimiz lozim.
Biz Arveladzega katta umid bog‘ladik. Chunki u nafaqat “Paxtakor”, balki terma jamoaning ham taqdiriga bevosita ta’sir ko‘rsatadi. Ayni damda “Paxtakor”da asosiy tarkibda maydonga tushayotgani uchungina terma jamoaga chaqirilayotgan (aniqrog‘i “Paxtakor”ning asosiy tarkib futbolchisi ekanligi ro‘kach qilinayotgan) ayrim “futbolchilar”dan rosti to‘yib bo‘ldik. Ishonchimiz komil, bu futbolchilar Arveladzening ham hafsalasini pir qilishi tayin. Demak, agar uning ishiga hech qanday ta’sir va tazyiq ko‘rsatilmasa
