PSJ yarim himoyachisi Marko Verratti jamoada qolishi mumkinligi haqidagi xabarlarni inkor etdi.
Eslatib o‘tamiz, kecha La Gazzetta dello Sport nashri Verrattining agar PSJ o‘z tarkibini haqiqiy yulduz futbolchilar bilan kuchaytirsa, Parijda qolishga tayyorligini bildirgandi.
Shundan so‘ng Marko o‘zining instagram sahifasida yozib qoldirgan posti orqali bu xabarlar yolg‘onligini tasdiqladi. Verrattining so‘zlariga ko‘ra, u hech qachon bunday so‘zlarni aytmagan va aytmaydi ham. Bundan kelib chiqadiki futbolchi PSJdan ketishga tayyorgarlik ko‘rmoqda.
Endi Verrati nashrni yolg‘on xabar tarqatgani uchun sudga berishi ham mumkin.
