«Bavariya» bosh murabbiyi Karlo Anchelotti hujumchi Robert Levandovskining agenti Mayk Bartelni tanqid qildi.
Avvalroq, Bartel mijozining ko‘proq gol urishga yordam bermagan jamoadoshlaridan xafa ekani haqida gapirgandi.
«Levandovski hech qachon shikoyat qilmagan. Men uni muvaffaqiyatli mavsum bilan tabrikladim. Undan mamnunman, Robert ham bizdan mamnun.
Ba’zi agentlar tiliga erk berib yuboradi. Negaligini tushunmayman. U birinchi marta bu ishni qilayotgani yo‘q. Aslida agentlar jim yurgani ma’qulroq» - dedi Anchelotti.
Avvalroq, «Bavariya» klubi Levandovski bilan muzokara o‘tkazmoqchi klublarni FIFA tomonidan jazolanishi mumkinligi haqida ogohlantirgan edi.