«Atletiko» hujumchisi Antuan Grizmann «Manchester Yunayted»ga o‘tmasdan, klubda qolishga qaror qilgani haqidagi qaroriga izoh berib o‘tdi.

«Jamoada qolishga qaror qilganimning asosiy sababi — bu «Atletiko»ga qo‘yilgan transfer taqiqi. «Atletiko» hech qachon mening xizmatlarimga bunchalik kuchli ehtiyoj sezmagandi. Men klubda qolishim kerakligini his qildim. Bunday paytda jamoani tark etsam chiroyli ish bo‘lmasdi. Men bunday inson emasman.

Kelasi yozda nima bo‘ladi? Ochig‘i, bilmayman. Kelasi mavsumni «Atletiko»da o‘tkazaman, keyin esa ko‘ramiz. Keyingi yil nima bo‘lishini hozir muhokama qilish ahmoqlik bo‘lardi.

Mourinyoga qo‘ng‘iroq qilib, unga rad javobini berdimmi? Yo‘q, yo‘q, yo‘q. Bu noto‘g‘ri. Men qaror qabul qildim va o‘z qarorimni klubga yetkazdim. Bo‘ldi», – dedi Grizmann.