“Arsenal” hujumchisi Olivye Jiru Dortmundning “Borussiya” klubi qiziqishi doirasiga kiritildi.

The Times xabariga ko‘ra, agar Obameyang Dortmundni tark etadigan bo‘lsa, “qovog‘arilar” aynan Jiruni unga o‘rinbosar sifatida ko‘rmoqda.

Gabonlik futbolchiga Italiya, Angliya va Xitoy klublaridan turli takliflar kelib tushgan. O‘z navbatida fransiyalik hujumchi “Arsenal”dagi raqobat sabab jamoani tark etishi ehtimoli mavjud.

Jiruga ham Angliya va Fransiyaning bir qator klublaridan takliflar bor. Ammo, futbolchi hali o‘zining kelajagi borasida bir qarorga kelgani yo‘q.