Dortmundning «Borussiya» klubi hujumchisi Pyer-Emerik Obameyang iyul oyining oxirida o‘z kelajagi haqida bir qarorga keladi.

Kicker xabariga ko‘ra, ayni paytda 27 yoshli futbolchi bilan «Chelsi» va «Tyanszin Syuanszyan» klublari jiddiy qiziqmoqda. «Borussiya» D uni 70 mln yevroga qo‘yib yuborishga rozi.

Eslatib o‘tamiz, avvalroq «PSJ» Obameyang narxini juda qimmat deb hisoblab, uning transferidan voz kechgan edi.

O‘tgan mavsumda Obameyang barcha musobaqalarda 46 o‘yinda maydonga tushib, 40ta gol urgan va 5ta golga hammualliflik qilgan.