OCH-2018 saralashidan o‘rin olgan BAA U23 - O‘zbekiston U23 (0:2) o‘yinidan keyin, mezbonlar ustozi Hasan Al-Abduliy o‘z fikrlarini aytdi.
"O‘yindan oldin g‘alabaga bo‘lgan ishonchimiz yuqori edi. Durang haqida umuman o‘ylamayotgandik ham. Birinchi taymda hujumkor futbol namoyish eta olmaganimiz uchun, ikkinchisida nimanidir o‘zgartirishga harakat qildik. Ammo raqib bizga qaraganda yaxshi o‘ynadi va bizga o‘zimizni ko‘rsatish imkonini bermadi.
O‘zbekistonlik futbolchilar jismoniy va taktik tomondan kuchli ko‘rindi. Ularning murabbiyi turnirgacha 20 ga yaqin o‘rtoqlik uchrashuvi o‘tkazgani va ikki yildan buyon jamoa shakllanayotgani haqida aytdi. Lekin bizning jamoa yig‘ilganiga endi 37 kun to‘ldi. Bu o‘z ta’sirini ko‘rsatdi. Men buni mag‘lubiyatga bahona sifatida ko‘rsatmoqchi emasman, albatta" - dedi Hasan Al-Abduliy, BAA U23 bosh murabbiyi.
