"Barselona" hujumchisi Neymar "PSJ" oldiga qo‘shimcha shartnoma qo‘ya boshladi. Le Parisien nashri xabar tarqatishicha, braziliyalik futbolchi parijliklar rahbariyatidan Felipe Koutinyo va jahon darajasidagi yana 2 nafar futbolchini sotib olishni so‘ragan.
Bundan tashqari, Neymar jamoa transferga qo‘ymoqchi bo‘lgan Lukas Mouraning "PSJ"da qolishini talab qilgan. Neymar o‘zining atrofida braziliyaliklar ko‘p bo‘lishini istamoqda. Aynan shu sababli fransiyaliklar futbolchining yaqin do‘sti Dani Alves bilan shartnoma imzolagan.
Eslatib o‘tamiz, avvalroq Neymar "PSJ"dan o‘zining transferi moliyaviy fair-play qoidalarini buzmasligi haqida kafolat so‘ragandi.