O‘zbekistonning birinchi raqamli tennischisi Denis Istominning faoliyati davomida ishlab topgan mukofot pullari 5 038 510 $ ga yetdi.
ATP World Tour sayti xabariga ko‘ra, 12 yildan beri musobaqalarda ishtirok etayotgan Istominning yillik o‘rtacha daromadi 420 728 $ni tashkil qiladi.
Eng ko‘p daromad olgan tennischilar ro‘yxatini shveysariyalik Rojer Federer boshqarib turibdi. U faoliyati orqali 107 309 145 $ ishlab topgan. Yillik o‘rtacha ko‘rsatkich - 8 478 320 $ ga teng.
Undan keyingi o‘rinlarni Rafael Nadal ( faoliyati davomida 86 111 479 $, yiliga 7 386 870 $) va Sten Vavrinka (faoliyati davomida 30 623 544 $, yiliga 2 818 912 $) lar egallab turibdi.
Eslatib o‘tamiz, Denis Istomin faoliyati davomida yakka bahslarda bir marta ATP turnirida g‘alaba qozongan (2015 y. Nottingem). Juftlik bahslarida esa uchta g‘alabaga ega (2013 – Moskva, 2014 – MonpelYE, 2015 – Gshtaad).
