«Inter» hujumchisi Eder yangi bosh murabbiy Luchano Spallettining jamoaga ijobiy ta’siri to‘g‘risida gapirdi.

Futbolchi Xalqaro chempionlar kubogidan o‘rin olgan «Bavariya»ga (2:0) qarshi o‘yinda jamoasining gollariga mualliflik qilgan edi.

«Bu bor yo‘g‘i mavsumoldi o‘yinidir, ammo baribir g‘alabadan xursandmiz. Hozir ishlarimiz yaxshi va Italiya chempionatida muvaffaqiyatli to‘p surishni rejalashtiryapmiz.

Spalletti jamoaga ijobiy ta’sir qildi. U «Roma»da ham yaxshi ishlagan edi. Biz unga ishonib, ko‘rsatmalariga tayanishimiz kerak. Shunda biz ajoyib mavsum o‘tkazamiz» - dedi Eder.