«Интер» ҳужумчиси Эдер янги бош мураббий Лучано Спаллеттининг жамоага ижобий таъсири тўғрисида гапирди.

Футболчи Халқаро чемпионлар кубогидан ўрин олган «Бавария»га (2:0) қарши ўйинда жамоасининг голларига муаллифлик қилган эди.

«Бу бор йўғи мавсумолди ўйинидир, аммо барибир ғалабадан хурсандмиз. Ҳозир ишларимиз яхши ва Италия чемпионатида муваффақиятли тўп суришни режалаштиряпмиз.

Спаллетти жамоага ижобий таъсир қилди. У «Рома»да ҳам яхши ишлаган эди. Биз унга ишониб, кўрсатмаларига таянишимиз керак. Шунда биз ажойиб мавсум ўтказамиз» - деди Эдер.