«Manchester Siti» bosh murabbiyi Xosep Gvardiola jamoada qancha vaqt ishlamoqchi ekani borasida o‘z fikrlarini bildirib o‘tdi.
«Men jamoada imkon qadar uzoq vaqt qolishga hamda «Manchester Siti»ning oldinga qadam tashlashi va yuqori pog‘onalarda qolishiga yordam berishga harakat qilaman.
O‘ylaymanki, klub ba’zi paytlarda menejerning so‘zlariga quloq tutishi lozim. Shuningdek, klub o‘z kelajagi borasida qaror qabul qilishi ham kerak. Hech kim nima bo‘lishini oldindan bilmaydi. Dunyodagi barcha murabbiylarning taqdiri natijaga bog‘liq.
Yangi xarid qilgan futbolchilarimiz shunchalik yaxshiki, ularga murabbiyning kim bo‘lishi ahamiyatga ega emas. Bu klub uchun eng muhimi.
Bernard Silva va Ederson 23-24 yoshda. Boshqa futbolchilarning o‘rtacha yoshi ham katta emas. Keyingi 5-7 yil davomida ular jamoa safida o‘ynashlari mumkin. Biz imkon qadar tezroq sovrin yutib olishni istaymiz», – dedi Gvardiola.