Oliy liga 17-turidan joy olgan “Sho‘rtan”-“Dinamo” (1:0) o‘yinidan so‘ng, g‘uzorliklar himoyachisi Otabek Narzullayev o‘yin haqida o‘z fikrlarini bildirdi.
"Birinchi navbatda jamoadoshlarimni g‘alaba bilan tabriklayman. Bahs teng kurashlar ostida o‘tdi. Har ikki jamoa ham g‘alaba uchun harakat qildi. Omad ochiqchasiga biz tarafda bo‘ldi. “Sho‘rtan” jamoasi har doim g‘alaba uchun o‘ynaydi va buni amalda isbotladik. Davralar oralig‘ida klubimiz murabbiylar shtabi yangilandi. Ular jamoamizni har-bir tur uchrashuvlariga yaxshi tayyorlashmoqda. Biz esa ular bergan ko‘rsatmalarni to‘g‘ri bajardik va uch ochkoga ega chiqdik. ”Dinamo” ustidan qozonilgan g‘alaba bilan butun voha muxlislarni tabriklayman",-dedi Otabek Narzullayev.
