"Atletiko" klubi "Chelsi" hujumchisi Diyego Kostani orqaga qaytarish uchun urinmoqda.
Ispaniyalik jurnalist Giyom Balage xabariga ko‘ra, "matraschilar" futbolchining narxi tushirilishidan umidvor.
"Kostaning rejasi ma’lum, u "Atletiko" klubiga qaytmoqchi. Ispaniya klubi unga "Chelsi"da qolishni maslahat bermoqda. Chunki, u zaxira o‘rindig‘ida qanchalik ko‘p o‘tirsa, transfer narxi shunchalik tez pasayadi.
Biroq "Chelsi" ham uning narxini pasaytirmoqchi emas. Agar Diyego Kosta "Atletiko"ga qaytgan taqdirda ham, transfer taqiqi tufayli yanvar oyigacha maydonga tusholmaydi.
Bu shaxmat o‘yiniga o‘xshab ketmoqda" - dedi Balage Sky Sports xabarida.
