O‘zbekistonlik futbolchi Maksimilian Fomin faoliyatini Malayziya Premyer-ligasida davom ettiradi.

Bu haqda himoyachi ijtimoiy tarmoqdagi sahifasida xabar berdi.

Tajribali himoyachi hisob bo‘yicha Malayziya birinchi ligasi vakili hisoblangan “Perlis” jamoasi bilan shartnoma imzoladi.

“Perlis” klubi 12 ta jamoa ishtirok etayotgan Premyer-ligada 12 ochko bilan 10-o‘rinni egallab turibdi. Federasiya qaroriga ko‘ra “Perlis”dan 3 ochko olib tashlangan.

Ma’lumot uchun, Maksimilian Fomin o‘tgan mavsumni Ummonning “Saham” klubi safida o‘tkazgandi.

Shuningdek, 23 yoshli Fomin O‘zbekiston (U-23) terma jamoasi va “Buxoro” klublarida faoliyat olib borgan.