«Atletiko» hujumchisi Antuan Grizmann Ispaniya professional ligasi tomonidan qattiq jazolanishi mumkin.

Futbolchi La Liga 1-turidan o‘rin olgan «Jirona» (2:2) klubiga qarshi o‘yinda hakamni haqorat qilgani uchun maydondan chetlatilgan edi.

O‘yinning 67-daqiqasida bosh hakam Xuan Martines Munuera unga simulyasiya uchun sariq karta ko‘rsatmoqchi edi. Biroq, Grizmann o‘zini tutib turolmadi va hakamni haqorat qildi. Natijada referi uni maydondan chetlatdi.

Ispaniya chempionatining intizom kodeksiga asosan, hakamni haqorat qilgan futbolchi 4-12 o‘yinga diskvalifikasiya qilinishi mumkin.