31 avgust kuni terma jamoamiz uchun o‘ta muhim uchrashuv bo‘lib o‘tadi. Samvel Babayan boshchiligidagi futbolchilarimiz shu kuni 2018 yili Rossiyada bo‘lib o‘tadigan jahon chempionati saralash doirasida Xitoy terma jamoasiga qarshi o‘ynashadi. Bu o‘yinning muhimligi shundaki, ayni paytda terma jamoamizning taqdiri qil ustida turibdi, ammo quvonarlisi, bu safar hammasi o‘z qo‘limizda.
TANQIDDAN CHEKINISH VAQTI KELDI
Ha, qanchalik o‘rinli bo‘lmasin, tanqidlardan voz kechish vaqti keldi. Ayni paytda terma jamoamizni qo‘llab-quvvatlashimiz kerak. To‘g‘ri, ayni damda Samvel Babayanning faoliyatidan ko‘nglimiz to‘layotgani yo‘q, futbolchilarimiz ham hech narsani qoyillatishmayapti, ammo shunday bo‘lsa-da, hozir bizning qo‘llab-quvvatlashimiz futbolchilarga dalda bo‘lsa, ne ajab. Shu bois bugun faqat tanlanajak tarkibu taktika borasida so‘z yuritamiz.
TARKIB HAQIDA
Negadir bu safar ham Samvel Babayan tarkib tanlashda terma jamoaning asosiy muammolarini inobatga olmagan ko‘rinadi. Keling, tarkibni darvoza chizig‘idan boshlasak. Nesterov, Lobanov, Ribkin — mana, biz foydalanishimiz mumkin bo‘lgan darvozabonlar varianti. Murabbiylarga Lobanov ma’qul, bizga esa Nesterov, bu o‘z-o‘zidan tushunarli va eski ssenariy. Xo‘sh, Ribkin nega tarkibga jalb qilindi? Zuhurov nega chaqirilmadi? U jiddiy xatoga yo‘l qo‘ymagani aniq, chunki xatoga yo‘l qo‘yish uchun avval maydonga tushish kerak. Yoki jarohati bormikin? Bilmadik. Bu yog‘i bizga qorong‘i. Xullas, bu borada murabbiylarning mehnat qilgani, aniqrog‘i, kerakli xulosa chiqargani sezilmabdi. O‘sha-o‘sha variantlar.
Himoyachilar ro‘yxati bu safar tuzukroq. Har holda Davron Hoshimovning o‘rnida o‘ynay oladigan futbolchi bor. Bizningcha, Samvel Babayan himoyada
