BAA va Qatar chempionatlari karvoni ham yo‘lga chiqdi.
Quyidagi aynan ularning oxirgi o‘yinlari haqida to‘xtalib o‘tamiz.
BAA
BAA chempionatining 1 tur uchrashuvlariga start berildi.
Kechagi kunga umumiy uchta o‘yin belgilangan bo‘lib, bular orasida Sardor Rashidov to‘p suradigan «Al-Jazira» Aziz Haydarov o‘ynaydigan «Ajman»ga qarshi bahs olib bordi.
Mazkur o‘yinni Sardor asosiy tarkibda boshlab to‘liq o‘ynagan bo‘lsa, Aziz Haydarov ikkinchi bo‘limda safga qo‘shildi.
Uchrashuv 2:1 hisobida jaziraliklar foydasiga hal bo‘ldi.
Ma’lumot uchun aytib o‘tamiz «Al-Jazira» mamlakatning amaldagi chempioni hisoblanadi.
«AL-JAZIRA»-«AJMAN»-2:1 (1:0)
Gollar: Ali Mabhut (16), Romarinyo (80) – Volid Xolid (62).
Al-Jazira: Ali Hasif, Faris Juma, Musallam Fayoz, Saqir al Otaibi, Lassana Diarra (Muhammad Jamol, 60), Muborak Bussufa, Romarinyo, Sardor Rashidov, Rashid Obaid, Xalfan Muborak (Ahmad Xalil, 71), Ali Mabhut (Salim Alidi, 58).
Ajman: Ali al Hosani, Hasan Zaxron (Muhammad al Antali, 86), Volid al Yammahi, Muhammad Abbos, Muhammad Xalifa (Volid Xolid, 56), Muhammad Ahmad, Abdullo Malalla, Muhammad Sabil, Husayn Abdulrahmon (Aziz Haydarov, 46), Adeilson, Bakari Kone.
XITOY
Shuningdek kecha Xitoy superligasining 25 tur uchrashuvlari start oldi.
Unda terma jamoasi himoyachisi Anzur Ismoilov o‘ynaydigan «Chanchun Yatay» safarda «Tyanjin Teda»ga qarshi bahs olib borib, yirik – 1:5 hisobida g‘alabaga erishdi. Quvonarlisi, Anzur Ismoilov jamoasining birinchi goliga mualliflik qilgan.
Eslatma, markaziy himoyachimiz o‘tgan turda ham o‘z hisobiga bitta gol yozdirib qo‘ygandi.
«TYANJIN TEDA»-«CHANCHUN YATAY»-1:5 (0:3)
Gollar: Li Yuanyi (90+2) - Anzur Ismoilov (25), Marinyo (38), Yu Rui (43), Fan Xiadong (48), Odion Igalo (69).
Chanchun Yatay: Yi Fan, Anzur Ismoilov, Fan Xiaodong, Yu Rui (YAn Yaki, 87), Sun JiYE, Du Zenyu, Zang Xiaofey, Yan Feng (Li Guang, 67), Xe Chao, Odion Igalo, Marinyo (Zou Dedi, 72).
QATAR
Kecha Qatar Yulduzlar ligasi ham start oldi.
Bunda Sanjar Tursunov o‘ynayotgan «Al-Huraytiyat» «Umm Salal» maydoniga safar uyushtirdi va 3:1 hisobida imkoniyatni boy berdi.
Bu o‘yinda Sanjar to‘liq, 90 daqiqa harakat qildi.
«UMM SALAL»-«AL-HURAYTIYAT»-3:1 (2:0)
Gollar: Ismoil Mahmud (29), Yannik Sagbo (40-penalti), Abdulaziz Muhammad (90+2) – Mahdi al Hammasi (71).
Al-Huraytiyat: Ahmad Abdulhay (Abdulrahmon Mesba, 80), Said Nasrulloh, Muhammad Abdulloh, Mahdi al Hammasi, Saud Nosir, Josuye Moxi, Anuar Diba (Mahmud Saad, 67), Rachid Tiberkanin, Muhammad Abdulraab (Abdulaziz al Ansori, 46), Sanjar Tursunov, Muhammad Salam.
