Germaniyaning “Bavariya” klubi futbolchisi Xames Rodrigesning rafiqasi Daniela Ospina kuni kecha turmush o‘rtog‘i bilan ajrashdi. Ospina xonim buning sababi nimada ekanligini tushuntirishga urindi.
 
Eslatib o‘tamiz, Xames Rodriges asli kolumbiyalik bo‘lib, yozgi transferlar mavsumida Ispaniyaning “Real” klubidan “Bavariya”ga ijara futbolchisi sifatida borib qo‘shilgan. Xamesning rafiqasi esa u bilan birga Germaniyaga ko‘chib o‘tishni istamagan.
 
“...Germaniyaga ko‘chib o‘tishni o‘zim istamadim, chunki shaxsiy biznesimni Kolumbiya va Ispaniyada olib borishga o‘rganib qolganman. Lekin Xames faoliyatini “Bavariya”da davom ettirishni istadi.
 
Bu esa menga to‘g‘ri kelmasdi. Ajralish istagini qabul qilish qiyin bo‘ldi, ammo biz buni to‘g‘ri qabul qildik. O‘zaro kelishgan holda farzandimiz tarbiyasiga ma’sul bo‘lishda davom etamiz”, deydi Ospina xonim.
 
Ma’lumot uchun, Daniela Ospina va Xames Rodriges bundan 6,5 yil avval turmush qurishgandi. Hozirda ular do‘stlik aloqalarini o‘rnatishgan va Salomei ismli qizchasini birgalikda tarbiya qilishda davom etishadi.
 
Daniela Ospina ayni vaqtda o‘z yurti Kolumbiyaga qaytgan va u yerda shaxsiy brendining ishlarini davom ettirmoqda.