O‘zbekistonda futbol targ‘ibotini kuchaytirish maqsadida futbol yulduzlari master-klass o‘tkazish uchun tashrif buyurishi mumkin. Bu masalani O‘FF prezidenti FIFA prezidenti bilan uchrashuv vaqtida muhokama qilgan.
Muzokaralar chog‘ida O‘zbekiston delegasiyasi futbol targ‘ibotini kuchaytirish maqsadida FIFAdan dunyo futbolining yorqin afsonalari va buguni kun yulduzlarini O‘zbekistondagi yosh futbolchilarga master-klass o‘tab berishi, shuningdek, jahon futbolida top-murabbiylarni O‘zbekistonda nazariy va amaliy mashg‘ulotlar o‘tkazib berishi uchun taklif qilishda FIFAning amaliy yordam berishini so‘radi.
Bundan tashqari, Yevropaning ko‘zga ko‘ringan futbol klublari va O‘zbekiston klublari o‘rtasida hamkorlikdagi o‘quv-mashg‘ulot yig‘inlarini o‘tkazish va mutaxassislarni jalb qilgan qolda, o‘zaro tajriba almashinuvini yo‘lga qo‘yish bo‘yicha ikki tomonlama kelishuvga erishildi.
